यसकारण नुहाउने पानीमा नुन मिसाउनुस्,,,हेर्नुहोस्।

नुनविना हाम्रो छाक टर्न मुस्किल छ । परिकार जुनसुकै होस्, रेसिपीमा एउटा नाम अनिवार्यजस्तै हुन्छ– नुन ।

स्वाद त भैहाल्यो, स्वास्थ्यका लागि पनि नुन उत्तिकै आवश्यक छ । केही दिन नुन नखाँदा रगतमा सोडियमको मात्रा घट्न थाल्छ । त्यसले अनेक समस्या निम्त्याउँछ । तर, के तपाईंलाई थाहा छ, नुहाउने पानीमा पनि नुन उत्तिकै महत्वपूर्ण छ भनेर ?

नुहाउने पानीमा नुन मिसाउनाले विभिन्न रोगबाट बच्न सकिन्छ । यसले तपाईंलाई इन्फेक्सनको खतराबाट पनि जोगाउँछ । तर, कहिले र कसरी प्रयोग गर्ने त नुहाउने पानीमा नुन ?

ज्वरो आउँदा

ज्वरो आएको बेला मनतातो पानीमा सिधेनुन मिसाएर नुहाउनुस् । एक बाल्टी मनतातो पानीमा दुई चम्चा नुन र एक चम्चा नरिवलको तेल मिसाएर नुहाउँदा ठन्डी र ज्वरोबाट राहत मिल्छ ।

क्याल्सियमको कमी हटाउन

साल्ट वाटर बाथले शरीरमा क्याल्सियमको कमी हटाउँछ । यसबाट मांशपेशी दुख्ने समस्या कम हुनुका साथै हड्डी, कपाल र नङ बलियो हुन्छ ।

अनिद्रा हटाउन

नुनपानीले नुहाउनाले शरीर चिलाउने समस्या हट्छ । साथै, गहिरो निद्रा पनि आउँछ । निद्रा नलाग्ने समस्या भएकालाई यो ठूलै राहत हुन सक्छ ।

थकान र स्ट्रेस कम गर्न

नुनपानीले स्नान गर्नु शारीरिकका साथै तथा मानसिक स्वास्थ्यका लागि पनि फलदायी छ । नुनपानीले नुहाएपछि तपाईं ज्यादा शान्त र खुुसी भएको महसुस गर्नुहुन्छ ।

यो एक ‘स्ट्रेस बस्टर’ हो । यसले आरामको अनुभूतिसँगै मानसिक शान्ति पनि बढाउँछ ।
यो खबर फरकधारबाट साभार गरिएको।

नोट : Daily News Nepal मा प्रकाशित कुनै समाचारमा तपाईंको गुनासो भए, कुनै विचार वा विश्लेषण, सल्लाह र सुझाव र समाचार प्रकासित गर्नु परेमा वा बिज्ञापन दिनु परेमा हामीलाई dailynewsnepali@gmail.com मा इमेल गर्न सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ ।

Leave a Reply

Your email address will not be published. Required fields are marked *

Copyright © All rights reserved. © Daily News Nepal | Design by Krishna Bishunkhe.