सामाजिक कार्यमा अग्रसर नायिका श्वेता खड्का लाई जन्मदिनको शुभकामना 🌹🌹🥰

नायिका श्वेता खड्काको आज जन्मदिन । १९८९ फेब्रुअरी ५ तारिखका दिन उनको जन्म काभ्रेको पनौतीमा भएको हो । यस आधारमा आज उनी ३२औं जन्मदिन मनाउँदैछिन् । श्वेताले १२ वर्षअघि मोडलिङ हुँदै फिल्मी क्यारियर सुरु गरेकी हुन् ।

सन् २०१० मा रिलिज भएको चलचित्र ‘कहाँ भेटिएला’ उनको डेब्यु चलचित्र हो । एउटै चलचित्रबाट स्थापित हुने थोरै नायिकामा श्वेता पनि पर्छिन् । त्यसपछि उनले हाँसी देउन एक फेर, श्रीमान् श्रीमती, कोहिनूर र कान्छी चलचित्रमा अभिनय गरिन् ।

कहाँ भेटिएला, कोहिनूर र कान्छी उनले आफैंले निर्माण गरेको चलचित्र हो । कहाँ भेटिएला खेल्नेक्रममा उनको अभिनेता श्रीकृष्ण श्रेष्ठसँग प्रेम सम्बन्ध बस्यो । त्यसपछि दुवैले आफ्नो प्रेमलाई विवाहमा परिणत गरे । बिहेपछि श्रीकृष्ण र श्वेता ६ महिना पनि सँगै बस्न पाएनन् ।

सन् २०१४ मा क्यान्सरका कारण श्रीकृष्णको निधन भयो । श्रीकृष्णको निधनपछि दुई वर्ष नेपाली चलचित्र उद्योगबाट अलग्गिएकी श्वेता फेरि अभिनय र निर्माणमा लागिन् । आकाश अधिकारीसँग मिलेर कान्छी चलचित्र खेलिन् । अहिले उनी सिन्धुपाल्चोकको माझीबस्तीमा एकीकृत घर निर्माण गरेर हस्तान्तरण गर्ने कार्यमा लागेकी छन् ।

नोट : Daily News Nepal मा प्रकाशित कुनै समाचारमा तपाईंको गुनासो भए, कुनै विचार वा विश्लेषण, सल्लाह र सुझाव र समाचार प्रकासित गर्नु परेमा वा बिज्ञापन दिनु परेमा हामीलाई dailynewsnepali@gmail.com मा इमेल गर्न सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ ।

Leave a Reply

Your email address will not be published. Required fields are marked *

Copyright © All rights reserved. © Daily News Nepal | Design by Krishna Bishunkhe.